黑炭 Charcoal's 旅遊札記~

本來前一晚係想食呢間"焼肉の牛太本陣", 但奈何當時已經滿座, 離下一輪的用餐時間要等個半鍾, 所以唯有就去左旁邊的但馬屋食火鍋放題, 同時亦同店員預約好今晚用餐的時間, 為了確保能在今晚食到燒肉, 所以若想順利地食到焼肉の牛太本陣, 記住要預約呀! (可以用電話或網頁預位) 呢間"焼肉の牛太本陣"位於JR博多站東面出口筑紫口的Yodobashi-Hakata 4樓, 同上一篇介紹的但馬屋同屬一個集團 2019 秋。北九州。福岡美食。火鍋放題。但馬屋 ヨドバシ。Yodobashi-Hakata 同但馬屋一樣, 焼肉の牛太本陣都係任食90分鐘 總共有3種方案可供選擇: 67品 2580yen、91品 3080yen、110品 4080yen, 以上的價錢都未含稅 3種方案最大的差別就係在肉的種類及海鮮的部分 67品 2580yen係基本的燒肉, 91品 3080yen係基本的燒肉+牛舌和牛白肉(內臟)等, 而110品 4080yen就係牛紅肉、牛白肉(一頭牛裡最美味的部分)+海鮮 通常大部分的網友都大推最高級的方案, 但我地對海鮮不大敢興趣, 而海鮮的選擇亦不多 加上我地亦唔想食得太油膩(昨晚先食完火鍋放題), 所以有少少收斂地決定選擇91品 3080yen的方案 主要分牛豬雞, 加上一些內臟, 香腸、蔬菜、飯品、湯品及甜點, 選擇唔算特別多 肉類可揀選4款調味, 分別係無調味、味噌、辣味、鹽味 點好想要的方案後, 店員便會幫忙設定電腦選單, 設定完成後, 就可以用枱上的平板電腦點菜喇 菜單圖文並茂, 而且設有中文介面, 點菜完全零難度 小女子覺得食燒肉必須要配少許白飯 日式燒肉必食 牛舌 !!! 呢度牛舌有兩種選擇, 有厚切及薄切, 兩款都十分美味~!! 而牛的肉品最美味的就係 橫膈膜肉 , 以鹽燒最為食到牛本身的鮮味~ 至於其他菜式方面都不錯吃, 當中的 豆腐沙律 絕不比餐廳或居酒屋遜色, 豆味濃, 蔬菜新鮮, 必點來解解油膩, 食咁多肉, 真係需要食啲蔬菜平衡一下 另外, 韓式泡菜湯 及 蛋花湯 亦好飲嫁, 唔係一般的味精湯包, 用黎拌著白飯+燒肉食, 好味~!! 在用餐時間...

唔好俾佢停, 繼續介紹福岡的美食, 望梅止渴~ 今次為大家介紹的係任食火鍋店-- 但馬屋 ヨドバシ 但馬屋係全日本的火鍋連鎖店(香港都好似有分店), 目前在福岡市區有3間, 我地幫趁的呢間就位於JR博多站東面出口 筑紫口 的 Yodobashi-Hakata 4樓 同一層樓仲有隸屬同一餐飲集團的"燒肉の牛太 本陣", 下篇文章再介紹返~ 整體環境算係寬敞, 座位旁有空間能擺放物品 但馬屋的 晚餐火鍋放題90分鐘任食 , 價錢由2380yen起跳, 最貴係6000yen 不同的價錢就可以叫不同款式的肉類, 例如: 最便宜的方案2380yen就只可以點豚バラ、豚ロース、鶏もも 想食牛的話, 最便宜就要點2650yen方案, 而和牛的方案又係另一種 好似有啲複雜, 但總括而言, 不同價錢的方案, 差別只在於牛肉的質素及種類, 豬肉&雞腿肉係每個方案都係任點的 可睇睇以下的餐牌, 有啲方案只係任食, 唔包括任飲, 若要包括飲料吧, 就需要另加250yen 需要留意的係同枱的客人必須點同一款的方案, 入座起計時90分鐘, 最後的15分鐘就係最後點肉類的時間, 但自助區仍可以繼續攞 自助區的款式頗多，約有15至20種食品, 有蔬菜、豆腐、丸類、麵食, 有小女子最愛的烏冬~ 最吸引人就係自助區有幾款不同口味的雪糕, 有日本自家品牌, 亦有Haagen Dazs 我地點左5000yen任食任飲的方案, 酒精飲品亦包括在內 店員會先送上一盤你所點選的方案的肉類，稍後亦可再向店員口頭上追加 一開始店員忘記攞 鶏もも俾我地, 好在狂人弟發現, 問店員攞返 5000yen方案的牛肉, 非常肥美, 牛味十分濃厚 牛肉好食之餘, 豬肉亦十分鮮甜美味, 而且油脂分佈鮮明, 我地都追加左好幾次 湯底方面, 都有好幾種供選擇, e.g.昆布だし、すきだし(壽喜燒醬汁)、四川火鍋、豆乳だし、季節限定だし 可選擇鴛鴦鍋, 我地就點左昆布だし加季節限定的柚子湯底 昆布湯十分清澈, 帶有陣陣昆布清甜的味道 而柚子湯底都幾特別, 初初配搭牛肉食的時候就覺得有啲奇怪, 但原來配搭豬肉係十分美味的, 柚子的香氣可以將豬肉的鮮甜昇華👏👏 ...

拉麵可以話係去到日本必食的美食, 小女子成日都覺得日本的拉麵就好似香港的魚旦河咁普遍, 係平民的美食 但在香港比較正宗的拉麵閒閒地都過百元.......小女子都係食返魚旦河算了~~拉麵都係等再有機會回鄉先再食啦~~唔知幾時先可以回鄉呢?? 希望疫情盡快受控並結束🙏🙏 今次想介紹博多拉麵名店Shin Shin " 博多純情らーめん Shin Shin ", 究竟碗拉麵有幾純情呢~~哈! Shin Shin拉麵係博多有名的拉麵店, 老闆從屋台起家一路到開實體店面 ShinShin拉麵本店在天神區, 我地今次幫趁係位於JR博多駅旁的KITTE博多・O1O1マルイ博多B1層的分店 當晚, 在武雄的御船山樂園睇完燈展, 返到博多已經差唔多晚上10點, 抵達Shin Shin拉麵店家時, 店舖係滿座的, 在門外依照排隊隊伍排隊入內用餐, 我地都等左大約20分鐘左右先被安排入座 同一般的拉麵店唔同, 呢度唔需要先買餐券, 係入座後由職員落單點餐的 客人以日本人居多, 唔太多遊客 因為餐廳係滿座的狀態, 唔太方便影底店內的環境, 位子有方桌跟吧檯的座位，蠻像那種居酒屋的小餐館 睇睇餐牌~~ 店舖的招牌--博多shinshin拉麵, 有不同的配料搭配, 亦可點拉麵+炒飯及拉麵+餃子套餐 除左招牌拉麵之外,  ShinShin拉麵的食品種類十分豐富,  強棒麵、味噌強棒麵、辣強棒麵、炒拉麵、炒強棒麵、明太子炒拉麵...... 仲有屋台料理, 而且價位還蠻便宜😊 食拉麵就一定要配埋煎餃子!!餃子皮煎得趣趣的, 每次在日本食餃子都讓我覺得好滿足~~ 好想快啲再去食呀~~!! 博多shin-shin拉麵裡面有簡單兩塊叉燒+糖心蛋+蔥花+木耳絲 拉麵的湯底係豬骨混雞骨, 湯頭飲起黎唔太油膩唔太咸, 加左雞骨去調整豬骨湯的油膩及咸味, 湯底的味道比例恰到好處, 而且仲有甘甜味, 小女子幾喜歡呢款湯底😊 麵條係使用博多拉麵的細麵條, 叉燒肥瘦適中, 軟林林的, 帶有一點點的甜味 強棒麵ちゃんぽん, 長崎的特式美食 本來安排左去長崎的果一天在長崎食, 因某種原因錯過左, 就在博多食返啦~!! 湯底都係用雞骨...

因應武漢肺炎肆虐, 小女子的富士山追櫻之旅已經泡左湯😭😭😭(本來今天就正在旅途中......) 今年是否可以再回鄉都成問題...... 咁就唯有繼續努力完成2019年的遊記, 喚醒下記憶、睇下相懷念一下~~~~ 時間跳返去上年10月的福岡, 今篇為大家介紹的係位於博多駅旁KITTE博多・O1O1マルイ博多2樓的 The Original PANCAKE HOUSE 大門口的食物模型已經非常吸引, 流晒口水~~~~ 店裡的人氣招牌NO.1鬆餅叫做"Dutch Baby" "ダッチベイビー" 檸檬鬆餅, 而人氣NO.2就係小女子大愛的梳乎里pancake 雖然The Original PANCAKE HOUSE係美國品牌, 但基本上與日本平時印象中鬆軟又香蛋味的pancake係一樣咁好食的 不同口味配搭的PANCAKE 除左甜點, 仲有不同以雞蛋作主題的咸點 首先介紹下咸點 呢個咸點個名好可愛--" Three Little Pigs in Blankets "" 毛布でくるんだ3匹のこぶた "   980yen(稅拔) 其實就係用pancake包住條香腸的香腸卷 pancake 同香腸都好食既, 但小女子唔太喜歡呢個配搭 超大份的 Bacon Omelette 煙肉奄列 ベーコンオムレツ 980yen(稅拔) 唔知一份要用幾多隻雞蛋去製作呢~ 左思右想, 最後捨棄左人氣no.1的Dutch Baby, 揀左人氣no.2的梳乎里pancake😋 ふわふわパンケーキ 980yen (稅拔)   香濃蛋味的pancake, 非常鬆軟, 隨個人喜好加上適量的楓葉糖漿 梳乎里pancake真係好好味, 小女子每次回鄉都總會搵間餐廳回味一下 之前食過呢兩間: 2019 夏。令和元年の旅。大阪。南崛江Orange Street 。超美味的芝士梳乎里Pancake 。Micasadeco & Cafe 2019 夏。令和元年の旅。金沢。金沢駅Forus百貨。 幸せのパンケーキ 令人感到幸福的pancake 家陣因為疫情無得回鄉, 有啲廚藝了得...

購物逛街shopping唔一定要去東京、大阪既, 九州都好好shop嫁 九州??唔係鄉下地方黎嫁咩??若果你真係咁諗就真係大錯特錯啦~!!!九州係集明媚風光、美食購物於一身的好地方 大多數的遊客到訪九州必定會去福岡, 福岡的購物熱點已經多到數都數唔完 天神區 的百貨公司林立, 地下街具有特色; 福岡其中之一個大型購物中心-- 博多運河城 , 結合商場、戲院、遊樂場、 展場等複合設施, 商場裡大約有250個店舖, 好買又好逛 遊客最愛的outlet九州都有, 瑪麗諾亞城 (Marinoa City) 年終無休, 共約有170間店舖, 無論係日本品牌或國際名牌都可以搵得到 提及到福岡最熱鬧的地區, 除左天神區, 莫過於 博多站附近 的商圈, JR博多城的AMU PLAZA、阪急百貨、旁邊的KITTE博多・O1O1、博多巴士總站、Yodobashi-Hakata 本篇文章就介紹一下博多站附近的購物熱點 👒👓👔👗👕👜👚👟👠👢💄💍💐 黎到博多, 首先要認識及必定會踏足的就係與博多站共構的大樓" JR博多城 JR HAKATA CITY " 博多站是由JR九州、JR西日本以及福岡市地下鐵三大交通系統組成的車站 主要有西側"博多口"及東側"筑紫口"兩個出口, 出口相接的就是包含左數個大型商業設施JR HAKATA CITY 如果想逛街品嚐美食的話, 博多口的商圈比較豐富, 而且多間酒店鄰近, 非常方便 小女子3次到訪福岡都係住在博多口呢邊 2019 秋。北九州。福岡。住宿篇。JR九州酒店Blossom博多中央 JR Kyushu Hotel Blossom Hakata‎ 。加插:由福岡空港到市區 2019 秋。北九州。福岡。早餐篇。JR九州酒店Blossom博多中央 JR Kyushu Hotel Blossom Hakata JR HAKATA CITY 一個集美食、購物、休閒與娛樂為一身的綜合百貨商場, 無論係美食餐廳、日本時裝、日系雜貨、九州限定特產通通都可以係度搵到, 真的係逛極都逛唔完的好地方 AMU PLAZA 營業時間: 商場:10:00-21:00 (星期日及假期...