京都 嵐山。嵯峨野小火車。竹林步道。天龍寺

嵐山，很美，令人難以忘懷的地方，一年四季有不同的景致，縱然唔係櫻花或者紅葉季節，都有它的美

近年越來越多遊客到訪，本來寧靜而悠閒的嵐山，加添了不少熱鬧…有時甚至係喧嘩….但每次到關西都想過黎行一行

曾到訪3次，用左2種不同的方法黎拜訪：

方法1：JR + 嵯峨野小火車 (適合初遊嵐山的旅客)

到JR京都駅轉乘JR山陰本線(嵯峨野線)到JR馬崛駅 落車, 在トロッコ亀岡搭嵯峨野小火車

(記住係JR馬崛駅 落車, 唔係JR亀岡駅呀!!!)

在JR馬崛駅落車後,  跟著指示或人群^^, 就會去到トロッコ亀岡

嵯峨野小火車車票可在関西空港JR綠色窗口或當日在トロッコ車站購買

若在櫻花,紅葉季節乘搭小火車, 建議預先在関西空港購買車票, 因除了遊客,不少日本人亦會前往嵐山觀賞櫻花或紅葉(注意星期六日及日本假期), 免得到時去到失望….

第5卡的小火車車箱係無窗的, 好多旅客喜歡選擇, 但冬天就…別有一番”風”味……

先到小火車官網查詢運行時間及班次, 免得遇上運休

https://www.sagano-kanko.co.jp/index.php

トロッコ小火車有4個站:  亀岡<-->保津峡<-->嵐山<-->嵯峨

通常會在中途站嵐山落車, 順著行去竹林

第一次去到竹林的時候, 真係會驚嘆, 亦會諗起”竹林深處人家”~^^

同埋好多人....

繼續行就會去到天龍寺的北門, 2012年6月到訪時遇見繡球花^^

若唔入天龍寺, 繼續行就會經過野宮神社, 竹林, 之後便會到嵐山商店街

不得不介紹下,位於嵐山商店街的廣川鰻魚飯
自昭和42年開店至今已經有45年歷史
若要一嚐鰻魚飯, 建議在未開門前15-20分鐘前去到排隊
小女子上次到訪係開舖前15分鐘去到,已經有幾對日本人排緊隊喇
注意:星期一休息

在日本食鰻魚飯一啲都唔平

 うな重定食 3700円 (鰻魚飯,漬物,鰻魚小黃瓜,柚香清湯,鯉魚生魚片)(到訪日期:2014年10月)

但當然咁既質數,在香港係食唔到ge~鍾意食鰻魚的朋友值得去試試

嵐山商店街的中段會見到嵐電,通常遊客搭嵐電係去金閣寺的

行到勊可以去嵐電車站浸下平價足浴, 浸完再繼續shopping> <

渡月橋

嵐山公園

順路可以行去搭阪急電鐵回大阪

方法2：阪急電鐵 (適合唔坐小火車的旅客)

從梅田搭阪急電鐵 (阪急京都本線)(河原町行)-->桂(阪急嵐山線)-->嵐山

出站就係 嵐山公園<-->渡月橋<-->嵐山商店街<-->天龍寺

嵐山公園

天龍寺外圍

嵐山商店街有小食, 餐廳, 當然唔少得買手信的舖頭, 食的,用的,擺的,可愛的…. 
仲有期間限定,嵐山限定的, 日本人真係好識得做遊客生意, 每次見到咩咩限定都總會難以抗拒, 乖乖帶佢地返香港

若想已另一方法遊覽嵐山, 可坐人力車呀,  唔好以為日本人就好瘦, 呢d日本車夫好大隻嫁, 拉兩個大size 的外國人都綽綽有餘, 仲見過有女車夫^^