大阪 親子。一家大小好去處。好玩好行好食。Expo City。Nifrel水族館
今篇要介紹的係在2015年底新開日本最大的複合設施lalaport EXPO CITY
位於萬博公園旁的EXPO CITY有多間店鋪食肆的大型商場, 有小型遊樂園, 有超大摩天輪,
有水族館動物園, 有比卡超博物館......
1970年, 日本在大阪首次舉辦萬國博覽會,
博覽會結束後, 將博覽會遺址改建為萬博紀念公園
在萬博紀念公園站出站後, 往左手邊走行就能可以見到呢個 "太陽之塔"
呢個係萬博紀念公園的象征
萬博紀念公園也是賞櫻地點, 櫻花季不妨黎睇睇^^
NIFREL由關西著名水族館 "海遊館" 主理，號稱是 "活著的博物館"
超越水族館、動物園、美術館，概念是 "觸碰感性"
門票: 成人(16歲以上)1900yen, 中小學生1000yen, 幼童(3歲以上)600yen
營業時間: 10:00-20:00 (最後入場時間: 19:00)
一入到去就被螢光幕吸引住, 不妨停低一陣欣賞下, 但記住唔好塞住通道^^
之後就開始水族館之旅, 第一區~
呢區採用的魚缸唔係傳統的方形缸，而係用柱狀的形式展示七彩繽紛的海洋~
遇到餵食時間^^
第二區~
見到條魚嗎?
館內既魚缸都唔會封頂，令大家可以用唔同角度睇到水中生物
去到下一區會見到好多特別形狀的魚, 海洋生物
睇到有啲悶悶地之際就會到 "WONDER MOMENT"
用投影技術展示地球, 加埋背景音樂, 十分震撼~片場10分鐘
旁邊有長椅俾大家坐低慢慢欣賞或者休息一下, 好多小朋友在"地球"的下面"摘星星"^^
仲可以上二樓, 用第二個角度欣賞
WATERSIDE區
黎到動物園區喇~呢一區係一個小型室內動物園
近距離與白老虎見面
呢氣條通道係通窿嫁..白老虎就在頭頂行過,仲流口水tim....
但係又唔會feel到有臭味, 因為旁邊有工作人員攞住地拖, 一見到有口水就拖乾淨^^
呢啲咪就係日本囉~~
除左白老虎, 仲有佢地
呢區有間cafe, 肚餓的可以買野坐低食完先繼續參觀
而之前風靡一時的"食得的水" "EATING WATER" 就在隔離個counter買
有興趣的就買黎試下體驗下啦~但小女子對此無興趣^^"
最精彩的區域當然要壓軸~!!!!
零超近距離接觸體驗!!!
呢區的鳥類, 動物全部都無困住, 可以十分之近見到佢地可愛的樣子~
水獺, 大咀鳥, 孤猴, 未試過同佢地咁近^^
好大隻的鵜鶘不斷亂飛, 一拍翼好大聲, 都有啲得人驚......
但千萬唔好大叫, 要保持冷靜
工作人員會在旁邊, 請大家同鵜鶘保持一點距離, 好安全ge~
可愛的水豚, 唔郁,
只有咀郁郁...
呢對貓頭鷹係真嫁, 好可愛^^
仲有好多人喜愛的企鵝仔~
只有矮玻璃圍牆圍住
仲有呢隻唔知係咩雀
黎到日本, 大家的荷包又點會咁易被放過呢~小朋友已被吸引住....
我地當然亦無一倖免....
放低完部分盤川, 時間都唔早, 係時候醫下個肚~
待續^^
留言
張貼留言