初訪東京。 新宿。 Sarabeth's。 紐約早餐女皇
去到旅程的第五天~食個豐富的早餐迎接今日的旅程🍞🍳😊
在紐約有"早餐女皇"之稱的Sarabeth's非常受歡迎 在2012年11月1日在東京的新宿開左海外的第一間店~我地幫趁的就係位於新宿LUMINE 2 2樓的Sarabeth's
由入住酒店JR Kyushu Shinjuku行去只需要5分鐘內的腳程~
新宿LUMINE 2 的營業時間是11:00 但Sarabeth’s就9:00開門~若要在LUMINE 2開門之前去Sarabeth’s就要在JR新宿南口旁邊的扶手電梯進入
扶手電梯在南口入閘機旁邊的便利店隔離~
扶手電梯的右手邊係JR ~向左邊行係通往小田急線的
係時候上去排隊喇~
我地大約在餐廳開門前20分鐘到步~已經有兩組日本人在等位~
排隊的時候店員會問客人幾多位為客人登記
排在我地後面的係一組3個家庭👪的台灣遊客~其中一個家庭的3歲小妹妹不斷同我地玩~小妹妹揹著當時東京迪士尼的火紅人物Stella Lou 小袋子不斷擺pose"聊"我地傾計~好可愛!!😊
離開門的時間越來越近~人龍開始出現~👫👫👫👫👫
若想頭一輪能順利入座~建議早點起身嚟等開門吧!!~
"早起的鳥兒有🐛吃"
Sarabeth's 最出名的就係Fat and Fluffy French Toast 同埋 Classic Eggs Benedict
9:00 餐廳準時開門~亦因為有熱情的台灣小妹妹娛樂我地😂完全唔覺得已等左20分鐘😌
好喇~睇下食咩好先~食唔食招牌的Fat and Fluffy French Toast好呢??
店內的裝潢以白色、木系為主 係小女子喜歡的簡約風格
早餐當然要有杯"晨啡"打打氣 Sarabeth's 的咖啡十分香濃👍👍👍
因小女子唔太喜愛煙肉~所以叫左Smoked Salmon Eggs Benedict 1550yen
WOO!! 一刀切落去橙黃色的蛋黃湧出嚟呀!!
香濃的半熟蛋配上煙三文魚~好好味😋
狂人弟就叫左Farmer Omelette跟麵包~1450yen
有幾種麵包可以選擇~狂人弟就要左牛角包~牛角包非常鬆軟~
蛋味好香~日本的蛋又係好食啲既😛 裡面有煙肉、蘑菇、薯仔、芝士等餡料
兩份早餐都好大份~食完超級飽超級滿足!!~
Sarabeth's 價格一啲都唔平~Smoked Salmon Eggs Benedict 1550yen~Farmer Omelette 1450yen~再加埋兩杯咖啡~埋單要差唔多3百蚊港紙
雖然食個早餐都食左差唔多3百蚊~但係物有所值既!!
今次捨棄左Fat and Fluffy French Toast~~~下次有機會再試試😁
食完貴價而滿足的早餐~我地就向江之島進發!!!
留言
張貼留言