初訪東京。 淺草。 晴空塔Tokyo Skytree 。東京天空町Tokyo Solamachi
第一次嚟東京~行程點可以無淺草同埋晴空塔呢~
剛才在築地市場食到咁飽~<初訪東京。 築地市場 。東京必去。 不能錯過的最後機會>
係時候行多幾步balance返~~
從築地市場去淺草、晴空塔都算順路~可以安排在同一天~
從築地市場去淺草~~先搭乘大江戶線從築地市場(E18)到藏前(E11)
到達藏前後轉乘淺草線
請注意: 由大江戶線轉淺草線係要先出閘~
上返去地面~
唔知點行??放心~有晒清晰的指示~ 跟住指示行就唔會盪失路嫁啦~!!
見到地鐵的標誌~確定係都營淺草線藏前駅就可以"娟"返入地底喇~
藏前(A17)坐一個站到達浅草(A18) ~從築地市場去淺草大約需時30分鐘
到達浅草後~從A4、A5出口去雷門、淺草寺方面
上到地面後轉右~之後要行邊個方向?? 可以參考google😝 或者跟著人潮😬
到達遊客必影的雷門~
在雷門的對面有"淺草文化觀光中心"
門外有好幾個年青力壯 穿著住印有東京力車T-shirt的人力車車伕
其實呢區人咁多~點拉人力車呢?? 唔通佢地會去啲無咩人知的隱藏的景點??
原來係在馬路上"行駛"😅~在鬧市中坐人力車應該別有一番風味~
people mountain people sea~~~
淺草的地標--大紅燈籠"雷門"
晴空塔就係附近~行完淺草呢邊~我哋下一個目的地就係晴空塔
(本來諗住由淺草行過去....但..... 請繼續向下睇)
人山人海的仲見世通~
成條仲見世通都插滿假櫻花
雖然櫻花係假的~但粉紅色的假櫻花配上藍天與白雲都幾靚丫~若然無咁多人會仲靚...~
放狗就見得多喇~呢度見到放豬~同豬豬去散步🐷🐽
有間賣可愛狗狗、貓貓等動物產品的店舖
小女子都有幫趁~買左一個柴柴布袋同埋幾張貼紙~
不同口味的手燒米餅~
淺草的名物人形燒~外層係類似蛋糕的 裡面的餡係紅豆蓉 ~想像到的味道~
本想買嚟當手信~但賞味期限只有3日~
東京最古老的寺院--淺草寺~我哋過門不入~繼續行程~
仲見世通有多間賣人形燒的舖頭~而木村家本店係創立在明治元年的老店
禮盒裝~
在淺草寺門外u-turn~行入仲見世通旁邊的街道~見到花月堂
花月堂最出名的係熱辣辣的菠蘿飽~
買過嚟試下先~同塊面差唔多大的菠蘿飽~
好食既~~但就始終係香港的菠蘿飽出色啲~
好喇~離開淺草寺、仲見世通的範圍~前往下一站~晴空塔Tokyo Skytree
經過紅噹噹的吾妻橋~
在吾妻橋上可以一次過見到晴空塔及朝日啤酒大樓
旁邊的隅田公園係東京著名的賞櫻勝地~可惜當時已過賞櫻的季節~
所以我哋亦無多作逗留 繼續前進!!
目標係在2012年5月開幕、高634m的人氣景點--晴空塔
正當我哋行緊去晴空塔時~ 除左可以遠觀Skytree之外~仲見到~~~
一羣外國人玩緊Mario Kart 呀!!!
好有趣呀!!!!可惜小女子無車牌~無得玩~~~
Princess Peach 同我哋say hi~
由淺草到晴空塔~大約要行20分鐘~
行到一半已經好累~~於是小女子同狂人弟決定"娟"返落地底~搭都營地鐵~~在本所吾妻橋駅搭一個站到"押上"😬
除左可以登上晴空塔展望台俯瞰東京都的景色外~更吸引我哋的係晴空塔的商場東京天空町 (Tokyo Solamachi)
東京天空町真係超好逛~目前已經有300多間商店進駐
如果要每間都仔細地行~~應該用一整日都唔夠~~
6樓同7樓係美食樓層~~有多間知名的餐廳~~
e.g. 起源於仙台的利久牛舌(全日本有多間分店~小女子之前在九州幫趁過~有機會介紹返)
e.g. 起源於仙台的利久牛舌(全日本有多間分店~小女子之前在九州幫趁過~有機會介紹返)
除了6樓及7樓有多間出名的餐廳之外~~搭電梯上到晴空塔30樓同31樓~
呢兩層係主打"skytree view"的"高樓美景"的餐廳
呢兩層係主打"skytree view"的"高樓美景"的餐廳
高樓美景當然會配上高昂的價錢~其中最多人推薦的係位於30樓的叙々苑燒肉
希望下次可以在高樓美景的餐廳品嚐高昂的美食
詳情可參閱：http://www.tokyo-solamachi.jp/
shopping前~先去解決解決~當我哋正尋找洗手間之際~在某樓層的洗手間旁~
竟然發現"登。登。登。登。隨意門"!!!!
係配合當時上映的多拉A夢大動畫--南極大冒險的VR實景遊戲
無論係以前還是現在~都會係度諗: "若果有道隨意門就好了"
相信好多人都會有咁的諗法^^
一定要介紹的係Tokyo Solamach 3樓!!!非。常。好。買!!!!! 買到失心瘋~!!!😝
3樓有Loft~日本雜貨 (彩妝、文具、小物、生活用品) 專門店~係小女子每次去日本必行的!!
晴空塔呢間Loft面積都幾大~好多野睇~~若要仔細行的話~可能出唔到嚟~
我哋都放底左唔少盤川💸💸💸
除左Loft~3樓仲有Afternoon Tea Living、UNIQLO、Disney Store 等等
晴空塔的Disney Store可以直接購買迪士尼門票~雖然我哋在前幾日已去左迪士尼及迪士尼海洋~但仍然會去Disney Store~因為Disney的產品實在太吸引!!! 重點係~~店鋪所賣的產品同樂園所賣的係唔同嫁!!!!! 又大出血了~~~💸💸💸💸💸💸💸
淨係行3樓都行到腳仔軟....
4樓係晴空塔最大的紀念品樓層~每間店舖都以復古風格作為裝潢~令到整個區域有著昔日江戶市街道的的氣氛~
富有日式的產品~例如：杯、碗、筷子、手巾、剪紙、擺設、名產等等都可以在此樓層見到~當然唔少得各式各樣的晴空塔限定產品~
無論係想送給別人做手信或是買俾自己做手信😬~呢度一定都能滿足到你
4樓仲有著名的抹茶店舖--nana's green tea~
之前在迪士尼渡假區裡面的商場Ikspiari 都見到有分店~
nana's green tea除左有好吸引的抹茶雪糕甜品之外~仲有飯set及烏冬
2樓的銀座のジンジャー賣的係晴空塔造型的飲料、糖果~樽的上半部分可以拆落嚟的
好好味的Croquantchou Zakuzaku泡芙會在Tokyo Solamachi開幕~我哋之前在原宿的竹下通食過~以後在晴空塔都可以食到了~
行夠~食夠~買夠~返新宿lu~~~
當我哋企在車站閘口外有啲徬徨之際~車站職員姐姐就用流暢的英文伸出援手👋
車站姐姐教我哋先搭乘東武晴空塔線~搭一個站去淺草(TS01)
Bye~Bye~Skytree~~
都左淺草後~要轉乘都營鐵路的銀座線去神田~
到左神田~就轉乘JR
搭JR中央線返新宿
好似好複雜咁先由晴空塔返到新宿~~
其實唔太複習嫁~車站有晒清晰的指示~雖然要轉兩次車~但大約30分鐘左右就返到~車站姐姐係唔會欺騙我哋ge~
至於有無簡單啲既快捷又唔洗轉兩程車的方法呢~除左搭的士之外~小女子就答唔到你啦~
留言
張貼留言