2018春。 四國。 跳島之旅。 小豆島。 丸金醬油廠 マルキン。醬油味雪糕
從橄欖公園搭乘橄欖巴士黎到小豆島的另一景點--丸金醬油廠 マルキン
小豆島釀造醬油的歷史已超過400年, 係日本四大醬油產地之一
點解小豆島有咁多醬油廠呢?
大約四百年前大阪城築城的採石部隊, 其中有人帶著紀州湯淺地區醬油的調味料上小豆島
令小豆島的居民對於醬油產生左興趣, 而小豆島的天氣非常適宜, 可以產出優質的鹽巴及發酵的麴
因此小豆島就開始有醬油廠
丸金醬油廠的創辦人叫做木下忠次郎
丸金醬油廠有給遊人參觀的醬油紀念館, 亦有醬油製造工場, 佔地非常之廣, 開放給公眾參觀的只係佔其中很小的部分
我地搭乘13:23 由オリーブ公園口開出的巴士前往丸金醬油廠, 13:38 在"丸金前"下車
落車的巴士站有個醬油桶, 好易認, 而且當巴士越接近醬油廠, 已經聞到醬油的香氣~
丸金醬油廠非常大, 除左有製造工場、仲有運送醬油的車隊、倉庫...
當然仲有給遊人參觀的醬油紀念館
醬油紀念館唔係太大, 但亦值得入內參觀
館內展示左一個在大正時期(約100前)的棒締壓榨機裝置, 遊人可以睇到係點樣運用槓杆原理將海量的醬油榨取
是日免費入場, 無料開放👏👏👏
入口處有丸金醬油紀念館的印仔, 給遊人印一印留個紀念
一入去紀念館, 先有各種的展板講解製造醬油的流程
從前丸金醬油廠的模型~
模型都做得好細緻
丸金醬油廠不同年代的招牌~
各年代丸金醬油的醬油樽包裝和產品
有玻璃樽、木桶, 到依家的膠樽
你知道醬油的原材料係咩嗎??
經過呢個大木桶會去到另一個展覽室~
而呢個大木桶係當初丸金醬油創業時使用過的
遊客經過木桶時, 就體驗到釀造醬油的木桶有幾大
呢邊的展覽室展示出古代釀造醬油的機器與工具
從原始到機械
發酵室
釀造醬油的房屋剖面圖
可以看到醬油桶真的非常之大
一唔小心跌左落去就弊家伙喇~~
丸金醬油廠已登錄為有形文化財~
有兩個大木桶放在室外的地方, 供給遊人拍照
站在兩桶之間做個對比, 親身感受下木桶的大小
紀念館的旁邊走上二樓係壓榨工場見學的地方, 可以見到醬油的製作過程依家已變得先進及機械化
最後緊係要逛逛小店啦~
有不同種類的醬油
花多眼亂, 唔知買邊款好!?
唔緊要, 店舖有個位置有提供試食, 試完覺得合口味先買吧~
玻璃樽驚攞返香港會碎?? 唔洗擔心~有啲款式的醬油係用膠樽的
除左有好多醬油之外, 仲有啲醬油的製品, e.g. 醬油蛋糕、醬油米餅
送俾人做手信或自用皆可~
仲有一樣醬油製品唔可以帶走,但一定要試~!!!
就係醬油味雪糕!!! 呢個就係小女子在橄欖公園放棄橄欖雪糕的原因~
非常新奇的醬油味雪糕~
第一啖食落去已經食到有醬油味, 但感覺並唔係想像中的奇怪, 唔會有又咸又甜的古怪感覺
相反, 係出奇地有趣&好食~!!
嚟小豆島一定要食醬油味雪糕呀!!!
食完雪糕, 根據計劃, 我地就搭14:42 的巴士前往二十四の瞳映畫村
日本的交通工具出名準時, 但我地在巴士站等呀等, 比時刻表過左3分鐘都唔見巴士
心想: 唔通巴士已經開走左??但我地早10分鐘已經在巴士站等緊喇喎~~
唔通轉左時刻表??
唔通轉左時刻表??
諗呀諗~諗諗下, 巴士終於嚟啦~!!👏👏👏 原來日本巴士都有誤點的時候😆
個心真係離一離~想嚇死人咩~~
建議: 丸金醬油廠可參觀的地方唔太多亦唔太大~所以唔需要預留太多的時間
參觀、影相、買野、食雪糕, 一個鐘頭左右咩都夠晒
丸金醬油廠醬油紀念館
開放時間: 通常- 9:00-16:00
20/7-31/8 & 18/10-30/11 - 9:00-16:30
休館日: 15/10 & 28/12-1/1
入場劵: 大人210yen, 中、小學生100yen
官方網址: http://moritakk.com/know_enjoy/shoyukan/
留言
張貼留言