2018春。 四國。 住宿篇。 松山。 松山全日空酒店 ANA Hotel Matsuyama 松山全日空ホテル
在松山會入住松山全日空酒店 ANA Hotel Matsuyama 松山全日空ホテル
先介紹下酒店的地理位置~酒店位於松山市的最主要商業區, 鄰近松山路面電車"大街道"站
若由JR松山駅出發, 搭路面電車只需10分鐘就可到達
酒店旁有三越百貨, 百貨公司的地庫當然有媽媽們最愛的超級市場~(其實我都愛😁)
松山最熱鬧的商店街"大街道"亦在2至3分鐘的路程範圍
百貨公司、商店街、路面電車站都在附近, 便利店Lawson亦在酒店旁邊,
逛街、食飯絕對無問題~機能相當適合遊客, 非常方便
前往松山市的著名遊客區道後溫泉區, 亦只需坐幾個站路面電車就到達
值得一提, "大街道"駅係特式老爺火車"坊っちゃん少爺列車"的其中一個站
搭少爺車去道後溫泉, 計啱時間再落樓下都得~
而去松山城更加方便, 完全唔需要搭車, 沿著酒店對面的路口(Starbucks旁)行入去就到
講完地利優勢就講下酒店的設施~
酒店大堂
酒店大堂位於1樓~1至3樓與商場AVA連接, 3至5樓有宴會廳、婚禮場地, 6樓有一間日式餐廳及一間中國料理, 而客房則在7至12樓
我地被安排入住11樓, 差唔多係最高層呀~
我地入住的係標準雙床房, 面積有24平方米, 雖然唔及得上前兩晚住的JR Hotel Clement高松, 但空間也算闊落, 都幾舒適~
書枱、電視, 旁邊有張舒適椅&小圓枱的空間~
呢度成為小女子放空的自閉空間~
在乾燥的日本不可少的加濕器~
浴室唔係一體成形的, 但空間唔算係大, 尚算適中, 有大浴缸
當然有免治廁所~
從房間望出去可見到國家重要文化財萬翠莊 (後方的歐式建築)
我地的訂房Package無包含早餐~
朝食時間: 6:30-10:00 1950yen/人
唯一的缺點係冷氣唔太夠~我地已經把冷氣的溫度調到最低而風速就調到最大, 但都好似無咩分別~~
唔通4月日本部分的酒店仲開緊暖氣?!?!?
松山全日空酒店 ANA Hotel Matsuyama 松山全日空ホテル確實非常方便, 交通便利、生活機能一流, 去各景點都方便, 而且價格唔算貴
推薦給準備出發去松山的大家~!!
留言
張貼留言