2018春。 四國。 松山。 日本現存的12座天守之一。 松山城 。 同場加映: 賞櫻花
美麗而宏偉的松山城為我地第5日的行程揭開序幕~!!!
松山城係日本現存的12座天守之一, 位於海拔132公尺的勝山山頂, 係日本現存天守之中海拔最高的一座
由1602年開始築城, 足足建造左25年在1627年才完成
松山城係日本江戶時期末期的重要城堡, 城樓、乾櫓、戶無門等21棟建築亦被評定為日本國家級重要文化遺產
由我地入住的酒店出發去松山城非常方便, 只需過對面馬路往前行, 步行5至10分鐘就可到達
愛媛必食名物鯛魚飯專門店丸水(另一間分店在道後溫泉區)
售賣Made in Japan 毛巾的伊織 (道後溫泉區都有分店)
黎到東雲口登山纜車車站
松山城位於勝山山頂, 要登城就要先搭乘纜車, 當然你亦可以選擇行上去(聽聞大約行30分鐘)
在售票處購買纜車(來回)+天守觀覽券, 1020yen(大人), 410yen(小學生)
若單買纜車的來回劵就510yen(大人) 260(小學生), 單程270yen(大人), 130(小學生)
纜車分為兩種，一種係普通常見的纜車cable car, 而另一種就係單人乘坐的單人纜車chairlift
單人纜車唔洗等, 可以隨時坐上纜車出發
至於普通纜車就10分鐘一班
兩種纜車的費用都係一樣, 你可以上山時選擇坐普通纜車, 再坐單人纜車下山
因媽媽畏高的關係, 我地就只能搭普通纜車 (其實搭普通纜車媽媽都驚驚😅)
二大現存連立式天守--姬路城 & 松山城
兩年前小女子曾到訪過姬路城, 完全深深地被姬路城吸引住, 因白色的姬路城真的好美
希望下次能在櫻花盛開時再到訪呢個賞心悅目的城池~
相關文章: 姬路 期待已久 世界文化遺產 姬路城
纜車嬸嬸會在纜車上介紹下松山城(我估計, 因嬸嬸係講日文的, 唔識聽😁)
到達~
一出纜車站有一木架, 木架上有剛剛開始開花的紫滕花😍
紫滕花好美而且充滿香氣, 因此有幾隻蜜蜂不斷在附近飛來飛去~~~~
咁賞紫滕花的名所咪有好多🐝🐝🐝🐝🐝🐝🐝🐝......
咁賞紫滕花的名所咪有好多🐝🐝🐝🐝🐝🐝🐝🐝......
好~開始登城, 往天守方向前進!!
石牆非常之高而斜~
戸無門（重要文化財）
進入大手門後第一座門
進入大手門後第一座門
經過戸無門後會見到一望無際的景色
筒井門
松山城內規模最大的門, 進入本丸必經的地方, 亦係本丸入口的重要防禦, 所以非常堅固
剛剛過左櫻花滿開的時間, 呢啲松山城燈籠應該就係為著慶祝櫻花時節而掛起的
經過多重的門、門、門, 終於黎到太鼓櫓, 離本丸越來越近
天守前方廣場的櫻花仲有少少未凋謝呀~🌸🌸
雖然已長出綠葉, 但仍然很美
呢度都有紫滕花呀~!!
櫻花的凋謝亦標誌著紫滕花花季的開始
廣場上種滿左櫻花樹, 若早一個星期到訪, 就可以一賞櫻花盛開的景象, 應該非常震撼, 令人目不暇給!!
其實今次的旅程我地無預左會睇到櫻花, 因為要就媽媽放假~
睇到櫻花就係bonus啦~!!!葉櫻都照殺啦~!!!
查實櫻花期好難預料, 有人話睇住日本的櫻花最前線的預測網咪得囉~其實又邊預測到咁多丫~
天氣變幻莫測, 若果年天氣熱就早開花, 溫度低又遲開花~請假、訂機票的時候又點諗得咁多丫
櫻花滿開更係可遇不可求, 就算昨天係滿開, 一場大雨☂☂☂咁就無晒嫁喇~
所以唔好諗咁多喇~睇到就係bonus, 睇唔到都唔洗太失望, 下年再計劃過囉~😊
日本的城堡+櫻花簡直係perfect match!!!!
加上曬到飛起的太陽、藍天與白雲, 無得輸!!!
影完一大輪~終於出發去本丸喇~~
影完一大輪~終於出發去本丸喇~~
松山城的天守閣在1784年因雷擊焚毀, 於1854年重建完成
之後安然度過廢城令及二次世界大戰並且保存至如今
一丿門
二丿門
三丿門
筋鐵門東塀, 用作最後的防禦
以前的士兵唔知係咪會由呢度放箭、投石出去打退敵人既呢?
筋鐵門就係進入天守閣的最後一扇門~即係最後一道防線
所以筋鐵門差唔多整道門都係用金屬包住的
終於黎到天守閣的入口~
為保護現存天守, 進入松山城天守必須除鞋, 並更換上園區提供的拖鞋
可見日本對保育文物的重視
小朋友大小的拖鞋
把自己的鞋放入儲鞋櫃
松山城天守內的樓梯非常斜, 樓級與樓級之間亦非常高, 行的時候要打醒十二分精神呀!!!
投石撃退敵人
從小天守俯瞰, 見到剛才的廣場
裝甲的穿著體驗~
遊人可一嚐當將軍的滋味😆, 並可在旁邊的佈景拍照留念
再行上去就去到松山城的最高點
從天守望到的前方廣場
觀望四面的景色, 並圖文並戍供遊人參考
東面可見到道後溫泉~
北面係瀨戶內海
JR松山駅就在松山城的西方
至於南面就係松山市駅
見到松山市駅旁的高島屋摩天輪嗎??
zoom近啲先~📷
要注意在又高又斜的樓梯上會有橫樑, 小心撞到頭呀, 尤其個子比較高的人
日本的100座名城, 你曾經去過幾多座呢??
天守的入場劵可在呢度購買, 大人 510yen, 小學生150yen
(我地係在纜車站購買纜車+天守觀覽券的)
呢棵櫻花樹非常特別~
分別長出白色及粉紅色的櫻花~
日本庭園總會見到滿有美態的松樹
本丸廣場的開放時間:
4月至10月: 5:00-21:00, 11月至3月: 5:20-21:00
臨走時再影影纜車站旁的紫滕花
講左咁耐, 點解好似無手信買既~??日本的景點又點少得手信店呢~
紫滕花架旁就有手信店, 俾大家盡情購物
當然有愛媛縣的名物柑橘相關的產品, 薯片都係柑橘味~
注意纜車的營運時間, 免得要徒步行落山~~
道後溫泉本館外型的自動販賣機
天守入場費: 510yen(大人) 150yen(小學生)
纜車+天守觀覽券:1020yen(大人) 410yen(小學生)
營業時間: 天守: 9:00-17:00
官方網址: http://www.matsuyamajo.jp/
未買夠手信的話, 可以到愛媛縣的觀光物產館繼續買買買, 就在東雲口登山纜車車站的對面~
除左售賣愛媛縣的各種名物外~物產館裡面仲有一樣好有趣的東西
登登登登~~就係呢座野~!! 咩東東?? 扭開水龍頭, 流出黎的唔係水而係柑橘汁呀!!!
之前唔記得日本邊個地區, 扭開係流出烏冬湯, 而北海道就有蟹肉水龍頭
其實都係啲綽頭野~諗綽頭野日本人真係最厲害!!!
上午遊覽完松山城, 下午我地會繼續在松山市到訪其他市內景點
去邊度?? 先買下關子~😝
留言
張貼留言