2018春。 四國。 早餐篇。 JR Hotel Clement Takamatsu 高松克萊蒙特飯店
我地習慣在旅程的最後一天品嚐所住酒店的早餐, 慢慢享用完早餐先出發去機場
今次亦唔例外~
JR Hotel Clement Takamatsu的早餐場所位於1樓, 酒店接待大堂旁邊的餐廳Cafe & Restaurant "Vent"
早餐時間為6:30-10:00~
入座時, 接待的職員會俾張"食事中 Occupied"的咭仔你, 當出去攞食物時, 將咭仔放在枱上, 讓職員及其他顧客知悉呢張枱已經有人坐
咁就唔需要輪流去攞野食, 可以一齊去揀喇~
食物的種類都頗多~首先有酒店自家製的麵包
酒店有bakery shop~之前的文章提及過, 小女子有兩日的早餐都係bakery shop的麵包, 而且入住時所給的9折券, 都可在麵包店使用~
所以麵包類係不能錯過的~
去旅行通常都多肉少菜, 趁有蔬菜食時要補充補充
穀物早餐~
烏冬縣的早餐又點可以無烏冬呢~~
自助形式: 將烏冬放入熱水煮熱, 再加入高湯及配料~
烏冬的配料之一--天婦羅蔬菜餅
小女子第一轉的西日fusion早餐~仲有早餐必備的"晨啡"
食物種類主要係西式&日式為主, 煙肉、香腸、炒蛋、薯條、沙律、凍肉、麵包......
湯豆腐、烏冬、白飯、漬物、.....
乳酪、芝士、pancake、水果等等, 仲有中式的點心~
如果每一樣都食的話, 應該會飽到上心口~~
當然唔會每樣都食一次, 因為有啲好食的會encore再食嘛~😆
小女子就食左兩個牛角包, 呢度的麵包真係好好食嘛😁
飲品區~汽水、果汁、coffee or tea任飲~
幾多錢一位呢?? 大人1900yen一位, 4至10歲的小朋友就940yen一位~
除左早餐豐富, JR Hotel Clement Takamatsu 就在JR高松駅正對面, 亦鄰近高松港、巴士站及高松電車的高松築港駅, 無論去跳島旅行或市內景點, 甚至移動去另一個縣都十分方便
最重要係機場巴士直達, 來往高松空港交通非常便利!!
最重要係機場巴士直達, 來往高松空港交通非常便利!!
加上旁邊有便利店、食肆、晚上10點才關門的超級市場, 生活機能超好👍👍👍
若再次到訪高松, 必定會再入住!!!
再一次為大家推介JR Hotel Clement Takamatsu 高松克萊蒙特飯店
留言
張貼留言