2018春。 四國。 直島(下)。草間彌生 。黃色波點南瓜。 紅色波點南瓜

到訪直島又點可以無黃色波點南瓜呀!!!
就算唔識直島, 都一定會曾經在唔知係邊度見過黃色波點南瓜的身影~
草間彌生的黃色南瓜係直島的重要地標, 相信不少的遊客都係為左一睹波點南瓜而黎到直島~(包括我😁)

上回講到~小女子趕住去下一站打卡呃like~, 去邊度?? 咪就係要去見見黃色波點南瓜囉~

上回: 2018春。 四國。 跳島之旅2。 直島(上)。 李禹煥美術館。 Benesse House Park & Museum

黃色南瓜就在Benesse House Park的不遠處~由Benesse House Park行過去3分鐘就到

黃色南瓜在つつじ荘與Benesse House Park之間 

(つつじ荘即係直島町營巴士轉乘美術館接駁車的位置)

從つつじ荘行去黃色南瓜大約兩分鐘的腳程

上一篇提及過, 每3年舉辦一次的瀨戶內海藝術祭吸引許多遊人到訪直島, 藝術祭首屆在2010年舉行, 就算唔係藝術祭的舉辦期間, 有啲藝術品都會保留在各個島上, 供遊人繼續觀賞

但黃色波點南瓜並唔係藝術祭所產生的藝術品

黃色波點南瓜係草間彌生在1994年所創作的作品, 係為左1992年開始營運的Benesse House Hotel而創作的

"Pumpkin" 1994

好不容易先影到無人的南瓜, 不竟黃色波點南瓜已經出晒名, 大家都為它而來

當我地正行去つつじ荘的時候, 聽到島上的工作人員響起警報
原來係剛才與我地同行的頑皮法國小朋友坐左上黃色波點南瓜😆

獨自靜靜凝視著瀨戶內海的黃色波點南瓜, 睇黎有啲孤獨

去返つつじ荘搭直島町營巴士返去宮浦港

返到去宮浦港, 搭船離開直島之前要去見見宮浦港旁的紅色南瓜

其實當渡輪一到達直島時, 已經可以見到紅色波點南瓜, 但就趕住搭町營巴士, 所以回程的時候再慢慢影~~

位於宮浦港旁邊的紅色波點南瓜係瀨戶內海藝術祭的展品

草間彌生的紅色南瓜 (赤かぼちゃ2006)

開始下雨, 小女子避到有蓋的地方, 小朋友就撐著傘在南瓜旁奔跑~~

與黃色波點南瓜不同, 紅色波點南瓜係空心的

無論大人小朋友都會自然地跑入紅南瓜裡面, 然後不自覺地從每個洞伸出手跟人揮手打招呼或探頭出來影相~

 相比起黃南瓜的孤獨, 紅南瓜給人歡樂的感覺, 遊人能在紅南瓜裡裡外外跑跑跳跳, 彷彿與紅南瓜互動一樣

紅南瓜的裡面仲著左波點燈

南瓜一面朝向宮埔港的堤岸, 另一面係案內所&直島町營巴士站, 而波點渡輪就在旁邊停靠著

坐在碼頭的位置等待渡輪時, 遠望可以見到日本建築師藤本壮介的作品"直島Pavilion"

於2015年落成, 感覺係浮在港口陸地上的另一座島

仲有葡萄牙藝術家 José de Guimarães 的作品"BUNRAKU PUPPET"

靈感來自直島的女文樂
直島女文楽係一種直島傳統的人偶劇, 在日本一般的操偶師都係男性, 而日本全國基本上只有直島才有女性為操偶師, 十分罕見

若未買夠手信、紀念品, 能在案內所內作最後的衝刺

搭渡輪從直島宮浦港回高松港,回程的渡輪係菱形圖案~

船倉比去程的渡輪仲要新, 甚至有新簇簇的味道~~~~

拜拜啦~紅色波點南瓜~拜拜啦~直島~~~

老伯伯與紅色波點南瓜😂

回程好似仲要比去程快~

轉眼就返到高松港, 結束直島的一日之旅~~

渡輪時刻表: https://www.shikokukisen.com/instant/#route01

直島的面積不大, 約只有8k㎡, 人口約3100人, 但美術館及藝術品滿佈島上

如果要行晒島上所有美術館的話, 一天肯定不足夠, 可以考慮在直島住一個晚上,住在美術館裡面

但若好似小女子咁純粹想去散散步、hea下、影影相、打卡呃下like, 做下偽文青, 基本上逗留大半日就已經夠晒數~