2018春。 四國。 高松。 當地人氣烏冬店。 上原屋本店
寫左兩個幾月, 2018春。四國的遊記終於進入大直路的階段🏃🏃🏃👏👏👏
要快手啲先得, 如果唔係2018夏天果一轉的遊記就會忘記得一乾二淨~~~
旅程的第6天, 我地由愛媛縣的松山返到香川縣的高松, 繼續我地的烏冬之旅😁
香川縣係日本面積最小的一個縣, 但烏冬的銷量卻係全國之冠👑, 烏冬縣之名當之無愧~!!
拜拜喇~松山~~
我地會搭乘在9:15從松山開出的特急いしづち12號回高松
要注意!!!
特急いしづち12號同時亦都係前往岡山的特急しおかぜ12號
去到中途站, 工作人員就會合力將列車分體
分體後列車的前半部會繼續開往高松, 而後半則會開往相反方向前往岡山
在列車分體前, 車上會有英日語廣播提醒乘客, 確保乘客唔會坐錯車箱
上車時, 事先睇清楚目的地的所在乘車口位置,咁就唔洗中途拉著行李轉車箱咁狼狽喇~
大約兩個半鐘後, 我地就返到去高松~
先返到JR Hotel Clement Takamatsu 放底行李
之後就出發去食烏冬喇~
是日去的烏冬店上原屋本店在栗林公園附近, 我地就搭琴電的琴平線
(JR四國PASS包含琴電)
2018春。 四國。 自遊行必備。 四國地區鐵路周遊券 JR ALL SHIKOKU Rail Pass
2018春。 四國。 自遊行必備。 四國地區鐵路周遊券 JR ALL SHIKOKU Rail Pass
在栗林公園駅落車
行大約8至10分鐘就到了~
是日我地非常好彩, 12點幾午餐時間到步, 但唔洗排隊就可以直接入內
聽聞呢間受日本人歡迎的烏冬店門外時常大排長龍嫁~!!但若果去到的時間見到人龍都唔洗驚要等太耐, 因為turnover好快既~
入到去首先係排隊攞餐盤&碟, 之後就按照自己的喜好挑選食物啦~
有関東煮
各種的炸物~
想飽啲的話, 可以點埋腐皮壽司、飯團或大卷~
種類超級豐富的, 而且每樣都好似好好味咁~選擇困難症又發作
之後就向店員點想要的烏冬, 冷的、熱的、大的、細的
雖然menu只有日文, 但有相片, 可以用指的, 而且店員都識講少量英文單字 e.g. cold, hot, 所以點餐應該無難道
若點左熱烏冬, 需要自行淥一淥自己的烏冬麵條
可以跟據自己對烏冬的口感喜好，調整淥麵條的時間
淥完後到旁邊的位置加入高湯, 最後添加上蔥花、生薑溶跟天婦羅碎等等
亦可按照個人喜好無限量添加
排小女子前頭的那位日本大叔, 整碗烏冬被蔥花及天婦羅碎掩蓋😆
可以跟據自己對烏冬的口感喜好，調整淥麵條的時間
淥完後到旁邊的位置加入高湯, 最後添加上蔥花、生薑溶跟天婦羅碎等等
亦可按照個人喜好無限量添加
排小女子前頭的那位日本大叔, 整碗烏冬被蔥花及天婦羅碎掩蓋😆
總括程序: 攞餐盤&碟>>選夾配菜>>向店員點烏冬>>結帳>>淥麵>>加湯>>加配料>>食啦
無論係熱或冷, 普通大小的烏冬只需要250yen, 呢份就係普通的烏冬
若要大啲的話, 就300yen, 但必須在此勸告大家(尤其係女士們) 300yen的烏冬係超大碗的,
唔好亂試, 唔好眼闊肚窄越洋做大晒鬼
之前講過~經過四國之旅後, 小女子愛上左冷烏冬~~
冷的烏冬麵條食起來的口感比熱的烏冬更加煙韌
把烏冬放進混入蔥花、生薑溶跟天婦羅碎的醬油中, 美味絕不比熱的高湯烏冬差, 而且非常適合在大熱天食~!!
冷的烏冬麵條食起來的口感比熱的烏冬更加煙韌
把烏冬放進混入蔥花、生薑溶跟天婦羅碎的醬油中, 美味絕不比熱的高湯烏冬差, 而且非常適合在大熱天食~!!
可能因為turnover快, 食物的流量亦自然地流得快,
所以小女子所點的炸南瓜&炸魚都係熱的👏👏好好味呀!!!
所以小女子所點的炸南瓜&炸魚都係熱的👏👏好好味呀!!!
日本tabelog評分超過3.5的當地烏冬店, 真係平。靚。正!!!
上原屋本店 (烏冬)
營業時間: 9:00-16:00
定休日: 星期日
交通: 琴電栗林公園駅步行約10分鐘
留言
張貼留言